முட்டை விரும்பிகள் அதிகம் விரும்பி உண்ணும் இந்த முட்டை புர்ஜி வட மாநிலங்களில் ரொம்பவே பிரசித்தி பெற்றதாக இருந்து வருகிறது. அந்த வகையில் இந்த Egg Bhurji வெங்காயம், தக்காளி எல்லாம் சேர்த்து வதக்கி மசாலாக்கள் எல்லாம் போட்டு சூப்பரான முட்டை கலவை ஒன்றை தயார் செய்து கொடுக்கிறது. ரொம்பவே சுலபமாக வீட்டில் இருக்கும் பொருட்களை வைத்தே சுவையான Egg Bhurji எப்படி செய்வதென்று இந்த பதிவில் பார்க்கலாம். பாகற்காயுடன் ஆரோக்கியமான திருப்பத்துடன் கூடிய முட்டை புர்ஜி, உங்கள் பிரதான உணவுடன் அல்லது காலை உணவுக்கு சில வறுக்கப்பட்ட பாவ் பன்களுடன் கூட ஒரு சரியான சைடு டிஷ்ஷாக இருக்கும். முட்டை என்பது பல்துறை உணவுகளில் ஒன்றாகும், இது எந்த காய்கறிகளுடனும் இணைக்கப்படலாம் மற்றும் ஒரு சுவையான செய்முறையை தயாரிக்கலாம். பாகற்காய் எக் புர்ஜி என்பது அத்தகைய ஒரு செய்முறையாகும்.
பாகற்காய் அத்தியாவசிய ஊட்டச்சத்துக்கள் நிரம்பிய ஒரு காய்கறி, இது அதிக அளவு நார்ச்சத்து, இதில் வைட்டமின்-சி, வைட்டமின் ஏ, இரும்பு, வைட்டமின் கே, பி-காம்ப்ளக்ஸ் வைட்டமின்கள், துத்தநாகம், பாஸ்பரஸ் மற்றும் பைட்டோநியூட்ரியண்ட்கள் நிறைந்துள்ளன. பொதுவாக டயட்டில் இருப்பவர்கள் முட்டையை காலை வேளையில் சாப்பிடுவார்கள். அத்தகையவர்கள் எப்போதுமே ஒரே மாதிரியாக முட்டையை செய்து சாப்பிடாமல், சற்று வித்தியாசமாக செய்து சாப்பிட்டால், நன்றாக இருக்கும். குறிப்பாக அதற்கு பாகற்காய் முட்டை புர்ஜி ஏற்றதாக இருக்கும். பாகற்காய் பிடிக்காதவர்களுக்கு இப்படி செய்து கொடுத்தால் அனைவரும் விரும்பி சாப்பிடுவார்கள் அந்த அளவிற்கு அட்டகாசமான சுவையில் இருக்கும்.
பாகற்காய் முட்டை புர்ஜி | Bitter Gourd Egg Bhurji Recipe In Tamil
Equipment
- 1 கடாய்
- 1 பவுள்
- 1 கரண்டி
தேவையான பொருட்கள்
- 2 பாகற்காய்
- 2 முட்டை
- 1/2 டீஸ்பூன் சீரகம்
- 1/2 டீஸ்பூன் கடுகு
- 1 பெரிய வெங்காயம்
- 1 பச்சை மிளகாய்
- 1/4 டீஸ்பூன் மஞ்சள் தூள்
- 1 டீஸ்பூன் மிளகாய்த்தூள்
- 1 டீஸ்பூன் தனியா தூள்
- 1/2 டீஸ்பூன் சீரகத்தூள்
- 4 பல் பூண்டு
- உப்பு தேவையான அளவு
- எண்ணெய் தேவையான அளவு
- கொத்தமல்லி தழை சிறிதளவு
செய்முறை
- முதலில் பாகற்காயை விதைகளை நிக்கி சிறிய துண்டுகளாக நறுக்கி வைத்துக் கொள்ளவும்.
- ஒரு கடாயை அடுப்பில் வைத்து எண்ணெய் ஊற்றி காய்ந்ததும் கடுகு, சீரகம் சேர்த்து தாளிக்கவும்.
- பின் வெங்காயம், பச்சை மிளகாய், பூண்டு சேர்த்து நன்கு வதக்கவும்.
- வெங்காயம் வதங்கியதும் நறுக்கிய வைத்துள்ள பாகற்காய், மஞ்சள் தூள், மிளகாய் தூள், தனியா தூள், சீரக தூள், உப்பு சேர்த்து வதக்கி, தேவையான அளவு தண்ணீர் சேர்த்து மூடி போட்டு நன்கு கொதிக்க விடவும்.
- பாகற்காய் நன்கு வெந்ததும் அதில் முட்டையை உடைத்து ஊற்றி நன்கு கிளறி முட்டை வெந்ததும் அதில் கொத்தமல்லி இலை தூவி அடுப்பை அணைத்து விடவும்.
- அவ்வளவுதான் சுவையான மற்றும் ஆரோக்கியமான பாவக்காய் முட்டை புர்ஜி தயார்.
Nutrition
இதனையும் படியுங்கள் : முட்டை பிரியர்கள் ஏற்ற பக்காவான ரெசிபி! மசாலா முட்டை பொரியல் சட்டென இப்படி செய்து சுவைத்துப் பாருங்க!
