ஆட்டுத்தலை கறி மசாலா இந்த ஸ்டைல்ல செஞ்சு பாருங்க!!

Ingredients

• 1 கப் ஆட்டு தலை கறி
• 1 பெரிய வெங்காயம்
• 15 சின்ன வெங்காயம்
• 1 துண்டு இஞ்சி
• 2 டீஸ்பூன் சீரகம்
• 5 பல் பூண்டு
• 2 கிராம்பு
• 1 தக்காளி
• 1 டீஸ்பூன் மிளகு
• 1 டீஸ்பூன் சோம்பு
• 2 பட்டை
• 1 டேபிள் ஸ்பூன் குழம்பு மிளகாய்த்தூள்
• 1/2 டீஸ்பூன் மஞ்சள் தூள்
• 1/2 டீஸ்பூன் மட்டன் மசாலா
• கறிவேப்பிலை, கொத்தமல்லி (சிறிதளவு)
• உப்பு (தேவையான அளவு)
• எண்ணெய் (தேவையான அளவு)

Method

1. ஒரு குக்கரில் தலைக்கறியை கழுவி சேர்த்து அதனுடன் மஞ்சள் தூள் மூன்று சின்ன வெங்காயம் ஒரு டீஸ்பூன் சீரகம் தண்ணீர் சேர்த்து இரண்டு விசில் விட்டு எடுக்கவும்.

2. வேகவைத்த தலைக்கறியிலிருந்து எலும்பை விட்டுவிட்டு கறியை மட்டும் தனியாக எடுத்து வைத்துக் கொள்ளவும்.

3. பிறகு ஒரு கடாயில் எண்ணெய் சேர்த்து கிராம்பு சீரகம் மிளகு ஒரு பெரிய வெங்காயம் ஒரு தக்காளி இஞ்சி பூண்டு அனைத்தையும் சேர்த்து நன்றாக வதக்கி ஆற வைத்து அரைத்துக் கொள்ளவும்.

4. பிறகு அதே கடாயில் எண்ணெய் சேர்த்து சோம்பு பட்டை கருவேப்பிலை போட்டு தாளித்ததும் சின்ன வெங்காயம் சேர்த்து பொன்னிறமாக வதக்கவும்.

5. பிறகு அரைத்து வைத்துள்ள விழுதை சேர்த்து அதனுடன் குழம்பு மிளகாய்த்தூள் மட்டன் மசாலா உப்பு சேர்த்து கலந்ததும் கறியை வேக வைத்த தண்ணீருடன் சேர்த்து சேர்த்து பத்து நிமிடம் நன்றாக வேக வைத்து கொத்தமல்லி இலைகளை தூவி இறக்கினால் சுவையான தலைக்கறி மசாலா தயார்.