சுட சுட சாதத்துடன் ஊற்றி சாப்பிட ருசியான தக்காளி குழம்பு ஒரு முறை இப்படி செஞ்சி பாருங்க!

Ingredients

• 1 பட்டை
• 3 கிராம்பு
• 15 சின்ன வெங்காயம்
• 7 பூண்டு
• 5 தக்காளி
• ½ tbsp பொரிகடலை
• ¼ tsp சோம்பு
• ¼ tsp மஞ்சள் தூள்
• 2 tsp சாம்பார் தூள்
• ½ tsp மிளகாய் தூள்
• ¼ tsp கடுகு
• ½ tsp உளுத்தம் பருப்பு
• 1 பெரிய வெங்காயம்
• 1 கொத்து கருவேப்பிலை
• தேவையான அளவு தண்ணீர்
• 3 tbsp எண்ணெய்
• தேவையான அளவு உப்பு

Method

1. கொங்கு நாட்டு தக்காளி குழம்பு செய்ய முதலில் கடாய் எண்ணெய் ஊற்றி அதில் சோம்பு சேர்த்து தாளித்து பட்டை, கிராம்பு சேர்த்து வதக்கி கொள்ள வேண்டும்.

2. அதன்பின் பூண்டு, சின்ன வெங்காயம் நன்றாக வதக்கிக் கொள்ள வேண்டும். பொரிகடலையை சேர்க்க வேண்டும்.

3. பொரிகடலையை சேர்த்து பின் தக்காளியை சேர்த்துக்கொண்டு நன்றாக வதக்கிக் கொள்ள வேண்டும்.

4. தக்காளி நன்றாக வதங்கியதும் மஞ்சள் தூள், சாம்பார் தூள், மிளகாய்த்தூள் ஆகியவற்றை சேர்த்து திரும்பவும் நன்றாக வதக்கிக் கொள்ள வேண்டும்.

5. பின் கலவை ஆறியவுடன் மிக்ஸி ஜாரில் சேர்த்து நன்றாக அரைத்து எடுத்துக் கொள்ள வேண்டும்.

6. வேறு கடாயில் எண்ணெய் ஊற்றி கடுகு, உளுத்தம் பருப்பு போட்டு தாளிக்க வேண்டும்.

7. பொடியாக நறுக்கி வைத்திருக்கின்ற பெரிய வெங்காயத்தை அதில் சேர்த்து வதக்கிக் கொள்ள வேண்டும். பின் கருவேப்பிலையை அதில் சேர்க்க வேண்டும்.

8. வெங்காயம் வதங்கியதும் அரைத்து வைத்திருக்கின்ற தக்காளி விழுதை அதில் சேர்த்து உப்பு போட்டு சிறிது தண்ணீர் சேர்த்து கொதிக்க விட வேண்டும்.சிறிது நேரம் கொதிக்க விட வேண்டும்.இப்பொழுது சுவையான கொங்கு நாட்டு தக்காளி குழம்பு தயார்.