கேசரி மிருதுவாக இப்படி செஞ்சி அசத்துங்க!

செய்முறை:

• முதலில் ரவை எடுத்த கப் அளவிலே 3 கப் தண்ணீர் எடுத்து நன்கு கொதிக்க விடவும்.
• அடுத்து ஒரு கடாயில் நெய் பாதி அளவு, மற்றும் எண்ணெய் ½கப் சேர்த்து நெய், எண்ணெய் காய்ந்ததும் முந்திரி பருப்பு, திராட்சை சேர்த்து வறுத்து தனியாக வடித்து எடுத்துக்கொள்ளவும்.
• பிறகு அதே நெய்யில் ரவை சேர்த்து நன்கு வறுத்து எடுத்து வைத்த நெய்யில் பாதி நெய் சேர்த்து நன்கு வறுபட்டு வரவேண்டும்.
• பிறகு கொதிக்க வைத்த தண்ணீரை சேர்த்து நன்கு கட்டிகள் இல்லாமல் கலந்து விடவேண்டும்.
• இதில் ஒரு சிட்டிகை உப்பு சேர்த்து 5 நிமிடம் கிளறாமல் மூடி விட்டு வேக விடவும்.
• பிறகு சர்க்கரை சேர்த்து குறைவான தீயில் வைத்து கிளறிவிடவும். கட்டிகள் இல்லாமல் கலந்த பிறகு கலர், ஏலக்காய் பொடி சேர்த்து மீதி நெய் சேர்த்து கலந்து விடவும்.
• பிறகு வறுத்து வைத்துள்ள முந்திரி பருப்பை சேர்த்துக்கொள்ளவும்.
• 3 நிமிடம் அப்படியே மூடி வைத்து வேக விட்டு எடுக்கவும்.
• இப்பொழுது கல்யாண வீடு கேசரி தயார்.