ரோட்டுக்கடை சிக்கன் சால்னா ஒருமுறை இப்படி செய்து உங்கள் வீட்டில் உள்ளவர்களை அசத்தி விடுங்கள்!!

Ingredients

• 1/2 கி சிக்கன்
• 2 பெரிய வெங்காயம்
• 2 தக்காளி
• 2 பச்சை மிளகாய்
• 1 டீஸ்பூன் இஞ்சி பூண்டு விழுது
• 1 பிரியாணி இலை
• 2 பட்டை, கிராம்பு
• 1 கொத்து கறிவேப்பிலை
• 1/2 டீஸ்பூன் மஞ்சள் தூள்
• 1 டீஸ்பூன் மிளகாய்த்தூள்
• 1 டீஸ்பூன் மல்லி தூள்
• கொத்தமல்லி (சிறிதளவு)
• உப்பு (தேவையான அளவு)
• 1 டீஸ்பூன் சோம்பு
• 1/2 டீஸ்பூன் சீரகம்
• 1 டீஸ்பூன் மல்லி
• 5 வர ‌மிளகாய்
• 1/2 டீஸ்பூன் கசகசா
• 4 டேபிள் ஸ்பூன் தேங்காய் துருவல்
• 1 பிரியாணி இலை
• 1 பட்டை, கிராம்பு, ஏலக்காய்
• 1 கொத்து கறிவேப்பிலை

Method

1. முதலில் சிக்கனை நன்கு கழுவி சுத்தம் செய்து விட்டு சிறிய துண்டுகளாக நறுக்கி வைத்துக் கொள்ளவும்.

2. பின் ஒரு கடாயை அடுப்பில் வைத்து சிறிதளவு எண்ணெய் ஊற்றி காய்ந்ததும் அரைக்க கொடுத்துள்ள பொருட்களை சேர்த்து வறுத்து எடுத்துக் கொள்ளவும்.

3. பின் இவை ஆறியதும் இதனை ஒரு மிக்ஸி ஜாரில் சேர்த்து சிறிதளவு தண்ணீர் விட்டு நன்கு அரைத்துக் கொள்ளவும்.

4. ஒரு கடாயை அடுப்பில் வைத்து எண்ணெய் ஊற்றி காய்ந்ததும் பிரியாணி இலை, பட்டை, கிராம்பு சேர்த்து தாளிக்கவும்.

5. பின் கறிவேப்பிலை, பச்சை மிளகாய், நறுக்கி வைத்துள்ள பெரிய வெங்காயம் சேர்த்து நன்கு வதக்கவும். வெங்காயம் நன்கு வதங்கியதும் இஞ்சி பூண்டு விழுது சேர்த்து வதக்கவும்.

6. பின் தக்காளியை சேர்த்து சிறிதளவு தண்ணீர் தெளித்து தக்காளி மசியும் வரை நன்கு வதக்கவும். பின் மஞ்சள் தூள், மிளகாய் தூள், மல்லித்தூள், உப்பு சேர்த்து எண்ணெய் பிரியும் வரை வதக்கவும்.

7. பின் எண்ணெய் பிரிந்து வந்ததும் சிக்கனை சேர்த்து நன்கு கலந்து தேவையான அளவு தண்ணீர் விட்டு 5 நிமிடங்கள் மூடி வைத்து வேக விடவும்.

8. சிக்கன் முக்கால் பதம் வெந்ததும் அரைத்து வைத்துள்ள மசாலாவை சேர்த்து சிறிதளவு தண்ணீர் விட்டு பத்து நிமிடங்கள் கொதிக்க விடவும்.

9. சால்னா சுண்டி வந்தவுடன் கொத்தமல்லி இலை தூவி அடுப்பை அணைத்து விடவும். அவ்வளவுதான் சுவையான ரோட்டுக்கடை சிக்கன் சால்னா தயார்.