குக் வித் கோமாளி சுசித்ரா ஓட உழவஞ்சாறு சிக்கன் பிரியாணி நீங்களும் வீட்ல செஞ்சு அசத்துங்க!!

Ingredients

• 1/2 கி சிக்கன்
• 50 கி கொள்ளு
• 2 பட்டை, கிராம்பு
• 1 டீஸ்பூன் சீரகம்
• 1 டீஸ்பூன் சோம்பு
• 1 பிரியாணி இலை
• 1 நட்சத்திர சோம்பு
• 2 கப் பிரியாணி அரிசி
• 2 டீஸ்பூன் இஞ்சி பூண்டு விழுது
• 5 பெரிய வெங்காயம்
• 1 டீஸ்பூன் மஞ்சள் தூள்
• 1 டீஸ்பூன் சீரகத்தூள்
• 1 1/2 டீஸ்பூன் மிளகாய்த்தூள்
• 1 டீஸ்பூன் மல்லி தூள்
• 1 டீஸ்பூன் கரம் மசாலா தூள்
• 1/2 கப் தயிர்
• புதினா, கொத்தமல்லி, கறிவேப்பிலை (தேவையான அளவு)
• 5 பச்சை மிளகாய்
• 1/4 டீஸ்பூன் கடுகு உளுந்தம் பருப்பு
• 2 வர மிளகாய்
• 5 பல் பூண்டு
• 1 துண்டு வெல்லம்
• 2 டேபிள் ஸ்பூன் நெய்
• உப்பு (தேவையான அளவு)
• எண்ணெய் (தேவையான அளவு)

Method

1. முதலில் 5 மணி நேரம் கொள்ளு பருப்பை ஊறவைத்து குக்கரில் சேர்த்து உப்பு சேர்த்து 7 விசில் விட்டு எடுத்துக் கொள்ளவும்.

2. இப்பொழுது ஒரு கடாயில் எண்ணெய் சேர்த்து பெரிய வெங்காயத்தை நீளவாக்கில் நறுக்கி சேர்த்து பொன்னிறமாக வறுத்து தனியாக எடுத்துக் கொள்ளவும்.

3. சிக்கன் கழுவி சுத்தம் செய்து ஒரு பாத்திரத்தில் எடுத்து அதனுடன் மல்லித்தூள் ஒரு டீஸ்பூன் மிளகாய்த்தூள், கரம் மசாலா மஞ்சள் தூள் சீரகத்தூள் உப்பு பொன்னிறமாக வறுத்த வெங்காயம் சிறிதளவு, சிறிதளவு கொத்தமல்லி இலைகள் புதினா இலைகள் கருவேப்பிலை தயிர் அனைத்தையும் சேர்த்து நன்றாக கலந்து வைத்துக் கொள்ளவும்.

4. இப்பொழுது வெங்காயம் வறுத்த அதே கடாயில் எண்ணெய் சேர்த்து கடுகு உளுந்தம் பருப்பு, கறிவேப்பிலை 1 டீஸ்பூன் சீரகம் ,2 பச்சை மிளகாய் இரண்டு காய்ந்த மிளகாய் ,பொடியாக நறுக்கிய பூண்டு சேர்த்து நன்றாக வதக்கிக் கொள்ளவும்.

5. இப்பொழுது கொள்ளு பருப்பை வேகவைத்த தண்ணீர் சேர்த்து நன்றாக கலந்து மஞ்சள் தூள் அரை டீஸ்பூன் மிளகாய்த்தூள் சேர்த்து நன்றாக உப்பு சேர்த்து கலந்து விடவும்.

6. வேக வைத்துள்ள கொள்ளு பருப்பை மிக்ஸி ஜாரில் நன்றாக அரைத்து அதனையும் சேர்த்து நன்றாக கொதிக்க வைத்து இறுதியாக ஒரு துண்டு வெள்ளம் சேர்த்து இறக்கினால் உழவஞ்சாறு தயார்.

7. ஒரு பெரிய பாத்திரத்தில் தண்ணீர் சேர்த்து சீரகம் சோம்பு பட்டை கிராம்பு பிரியாணி இலை நட்சத்திர சோம்பு இரண்டு நறுக்கிய பச்சை மிளகாய் தேவையான அளவு உப்பு அனைத்தையும் சேர்த்து கொதிக்க வைத்து பிரியாணி அரிசியை கழுவி சேர்த்து அரைவேக்காடு வேக வைத்து எடுத்துக்கொள்ளவும்.

8. இப்பொழுது கலந்து வைத்துள்ள சிக்கனை ஒரு குக்கரில் சேர்த்து அதன் மேல் வேக வைத்துள்ள சாதம் அதன் மேல் உழவஞ்சாறு பிறகு பொன்னிறமாக வறுத்த வெங்காயம் சேர்த்து மறுபடியும் இதே போல் சாதம் உழவஞ்சாறு வெங்காயம் சேர்த்து அதன் மேல் நெய் சேர்த்து 45 நிமிடங்கள் அடுப்பை மிதமான தீயில் வைத்து தம் போட்டு இறக்கினால் சுவையான உழவஞ்சாறு சிக்கன் பிரியாணி தயார்.