வாஸ்து சாஸ்திரம் என்பது இயற்கை, கோள்கள் மற்றும் பிற ஆற்றல்களின் ஐந்து கூறுகளை சமநிலைப்படுத்தும் இந்திய திசை அறிவியல் ஆகும். கலை, வானியல் மற்றும் ஜோதிடம் ஆகியவற்றை இணைப்பதன் மூலம் இது யோசனைகள் மற்றும் வழிகாட்டுதல்களை மிகவும் பயனுள்ள வாழ்க்கை இடங்களை உருவாக்க உதவுகிறது. இது குடியிருப்பாளர்களின் ஆரோக்கியம், நிதி மற்றும் மகிழ்ச்சியை மேம்படுத்தவும் உதவுகிறது. உங்கள் வீடு அல்லது சுற்றுப்புறம் நமது ஒட்டுமொத்த வளர்ச்சிக்கும் செழுமைக்கும் பங்களிக்க வேண்டுமெனில், வீட்டிற்கான வாஸ்து கொள்கைகளை நீங்கள் பின்பற்ற வேண்டும். வாஸ்து சாஸ்திரப்படி எந்த திசை என்பதை விட எல்லாம் எதை எங்கே வைக்கிறோம் என்பதை தான் வாஸ்து சாஸ்திரம் வலியுறுத்துகிறது. அதில் மட்டுமே மிக அதீத கவனம் கொள்ள வேண்டும்.
ஒரு வீட்டில் நேர்மறை மற்றும் எதிர்மறை ஆற்றல்களானது வாசல் வழியாகத் தான் நுழைகின்றன. இந்நிலையில் வீட்டில் ஒருசில மாற்றங்களை செய்வதன் மூலம், வீட்டில் நேர்மறை ஆற்றலை அதிகரித்து, பிரச்சனைகளில் இருந்து விடுபடலாம் அதே சமயம் செல்வமும் அதிகம் சேரும். இப்போது வீட்டில் பணம் அதிகம் சேர வீட்டில் எந்த மாதிரியான பறவைகளின் போட்டோக்களை வைத்திருக்க வேண்டும் மற்றும் அவற்றை எந்த இடத்தில் எந்த திசையை நோக்கி வைக்க வேண்டும் என்பதைக் காண்போம்.
மயில்
வீட்டில் மயில் புகைப்படம் இருப்பது மிகவும் மங்களகரமானது. புராண நம்பிக்கைபடி மயில் முருகனின் வடிவமாக கருதப்படுகிறது. அதனால் மக்கள் அதை தங்கள் வீட்டில் வைத்திருக்க விரும்புகிறார்கள். உயிருள்ள மயில்களை வளர்க்க முடியாது, எனவே வீட்டில் மயில் படத்தை வாங்கி வைக்கலாம். அவற்றை வடக்கு திசையில் வைத்தால் பணவரவு அதிகரிக்கும் மற்றும் வீட்டில் மகிழ்ச்சி அதிகரிக்கும்.
அன்னப்பறவை
அன்னப்பறவை அன்பு, அமைதி மற்றும் நல்லிணக்கத்தின் அடையாளமாக பார்க்கப்படுகிறது. உங்கள் பூஜை அறையில் அல்லது வரவேற்பறையில் அன்னப்பறவையின் படத்தை வைக்கலாம். அதுவும் இந்த அன்னப்பறவையின் படத்தை தென்கிழக்கு திசையில் வைக்க வேண்டும். இதன் மூலம் நீங்கள் நிதி ஆதாயங்களைப் பெறுவீர்கள். அதுமட்டும் இல்ல, கணவன் – மனைவிக்கு இடையில் நெருக்கம் மற்றும் அன்பு அதிகரிக்கும்.
கிளி
வாஸ்துபடி, கிளி அன்பு மற்றும் மகிழ்ச்சியின் அடையாளமாக கருதப்படுகிறது. அது வீட்டில் உள்ளவர்களுக்கு நேர்மறையான எண்ணங்களை அதிகரிக்கும். உங்கள் குழந்தைகளின் அறையில் கிளியின் படத்தை வைத்தால் அவர்களின் கவனம் படிப்பை நோக்கி ஈர்க்கப்படும்.
மீன் கொத்தி பறவை
வாஸ்துவில் திசைகள் என்பது மிக மிக முக்கியமானது. மீன் கொத்தி பறவைகளின் படம் வீட்டை அலங்கரிப்பதில் மிக முக்கிய பங்கு வகிக்கின்றது. வீட்டில் மீன் கொத்தி பறவையின் படத்தை வைத்தால் மனதிற்கு ஒரு இதமான உற்சாகத்தை தரும். தொழில் வளர்ச்சியும் அதிகரித்து இருக்கும். மீன் கொத்தி பறவையின் படத்தை தவறான திசையில் வைத்தால் துரதிர்ஷ்டம் ஏற்படும்.
இதனையும் படியுங்கள் : வாஸ்து படி இதை மட்டும் இதை மட்டும் செய்யுங்கள் வீட்டில் பணம் சேர்ந்து கொண்டே இருக்கும்!
