பொதுவாக சிக்கனை பயன்படுத்தி செய்யும் ரெசிபிகள் எதுவாக இருந்தாலும் யாரும் பிடிக்காத என்று சொல்ல மாட்டார்கள் ஒரு பிடி பிடித்து விடுவார்கள் அந்த அளவிற்கு சிக்கன் ரெசிபிகள் அற்புதமான சுவையில் இருக்கும். ஆனால் நாம் இன்று சுவைக்கே சுவையூட்டும் அளவிற்கு யாழ்ப்பாணம் சிக்கன் ரெசிபி பற்றி தான் இன்று நாம பார்க்க இருக்கிறோம். உங்கள் வீட்டில் ஒரு முறை இது போன்று யாழ்ப்பாணம் சிக்கன் ரெசிபி செய்து
இதையும் படியுங்கள் : காரசாரமான சுவையில் பெப்பர் சில்லி சிக்கன் செய்வது எப்படி ?
உங்கள் வீட்டில் உள்ளவர்களுக்கு கொடுத்தால் அனைவரும் விரும்பி சாப்பிடும் அளவிற்கு அற்புதமான சுவையில் இருக்கும் இன்னும் கேட்டு வாங்கி சாப்பிடுவார்கள். அது மட்டுமில்லாமல் அடிக்கடி இந்த சிக்கன் ரெசிபி உங்களை செய்து தர சொல்லி தொந்தரவு செய்வார்கள் அந்த அளவிற்கு ஒரு தாறுமாறான சிக்கன் ரெசிபி. அதனால் இன்று இந்த யாழ்ப்பாணம் சிக்கன் ரெசிபி எப்படி செய்வது, தேவையான பொருட்கள், செய்முறைகள் என அனைத்தையும் இந்த சமையல் குறித்த தொகுப்பில் நாம் காணலாம் வாருங்கள்.
யாழ்பாணம் சிக்கன் ரெசிபி | Yalpanam Chicken Recipe in Tamil
Equipment
- 1 கடாய்
- 1 மிக்ஸி
- 1 பெரிய பவுள்
தேவையான பொருட்கள்
மிக்ஸியில் அரைக்க
- 20 சின்ன வெங்காயம் தோல் உரித்தது
- 3 பச்சை மிளகாய்
- 3 பல் பூண்டு
சிக்கன் ஊற வைத்து பொரிக்க
- ½ KG சிக்கன்
- 1 tbsp உப்பு
- 1 tbsp மிளகு தூள்
- ½ பழம் எலுமிச்சை சாறு
- 4 மேசை கரண்டி எண்ணெய்
யாழ்பாணம் சிக்கன் ரெசிபி
- 1 tbsp சோம்பு
- 1 tbsp இஞ்சி பொடியாக நறுக்கியது
- அரைத்த வெங்காயம்
- 1 tbsp மிளகு தூள்
- 1 tbsp தனியா துள்
- ¼ tbsp மஞ்சள் தூள்
- ½ tbsp சோம்பு பொடி
- ½ tbsp கரம் மசாலா
- உப்பு தேவையான அளவு
- 1 கொத்து கருவேப்பிலை
- 2 tbsp தயிர்
- 3 tbsp தேங்காய் பால்
செய்முறை
- முதலில் நாம் நன்கு சுத்தப்படுத்தி வைத்துக் கொண்ட சிக்கனை ஒரு பவுளில் சேர்த்து அதனுடன் உப்பு, மிளகு மற்றும் எலுமிச்சை பழ சாறு சேர்த்து சிக்கனை நன்கு பெரட்டி ஒரு 30 நிமிடங்கள் ஊற வைத்துக் கொள்ளுங்கள்.
- அதன் பின்பு கடாயை அடுப்பில் வைத்து அதில் எண்ணெய் ஊற்றி, எண்ணெய் காய்ந்ததும் அதில் நாம் ஊற வைத்த சிக்கனை சேர்த்து அனைத்து பக்கங்களும் வேகமாறு அடிக்கடி பிரட்டி விட்டு பொரித்து எடுத்துக் கொள்ளுங்கள்.
- அதன் பின்பு தோல் உரித்த சின்ன வெங்காயம், பச்சை மிளகாய் மற்றும் பூண்டு இந்த பொருட்களை எல்லாம் ஒரு மிக்ஸி ஜாரில் சேர்த்து ஒரு முறை மட்டும் மிக்ஸியை சுத்தவிட்டு எடுத்துக் கொள்ளுங்கள்.
- அதன் பின்பு மறுபடியும் அதே கடாயை அடுப்பில் வைத்து மீதமிருக்கும் எண்ணெயில் சோம்பு மற்றும் பொடியாக நறுக்கிய இஞ்சி சேர்த்து வதக்கி கொள்ளுங்கள். பின் இஞ்சி நன்றாக வதங்கியதும் இதனுடன் நம் மிக்ஸியில் அரைத்தால் வெங்காயத்தையும் சேர்த்து நன்கு வதக்கி கொள்ளுங்கள்.
- பின் வெங்காயம் நன்கு வதங்கி வந்ததும் இதனுடன் மிளகு தூள், தனியாத் தூள், மஞ்சள் தூள், சோம்பு பொடி, கரம் மசாலா, தேவையான அளவு உப்பு மற்றும் ஒரு கொத்து கருவேப்பிலை சேர்த்து நன்றாக கிளறி விட்டு வேக வைத்துக் கொள்ளுங்கள்
- பின் மசாலா பொருட்கள் நன்கு வதங்கியதும் இதனுடன் இரண்டு டீஸ்பூன் தயிர் மற்றும் கால் கப் அளவு தண்ணீர் சேர்த்து வேக வைத்துக் கொள்ளுங்கள். பின் இதனுடன் பொரித்த சிக்கனை சேர்த்து கடாயை மூடி வைத்து ஒரு மூன்று நிமிடங்கள் வேக வைத்துக் கொள்ளுங்கள்.
- அதன் பின் இதனுடன் மூன்று டீஸ்பூன் அளவு கெட்டியான தேங்காய்ப்பால் ஊற்றி கிளறிவிட்டு ஒரு நிமிடம் அடுப்பில் வேக வைத்து இறக்கி விடுங்கள். அவ்வளவு தான் சுவையான யாழ்ப்பாணம் சிக்கன் ரெசிபி இனிதே தயாராகிவிட்டது.