இன்று நாம் வெறும் ₹60 ரூபாய் செலவில் வீட்டில் உள்ள அனைவரும் விரும்பி சாப்பிடும் வகையில் குறிப்பாக குழந்தைகள் எனக்கு இன்னும் வேண்டும் என்று விரும்பி கேட்டு வாங்கி சாப்பிடும் அளவிற்கு சுவையான தேங்காய் பர்பி தான் செய்து பார்க்க போகிறோம். இந்த தேங்காய் பர்பி எளிமையான முறையில் வேகமாக செய்துவிடலாம் உங்கள் குழந்தைகள் கடைகளில் பாக்கெட்டுகளில் விற்கும் இந்த தேங்காய் பர்பியை வாங்கி சாப்பிடுவதற்கு பதிலாக நீங்கள் உங்கள் வீட்டிலேயே
இதையும் படியுங்கள் : வாயில் வைத்த உடன் கரையும் நெய் மைசூர் பாக் செய்வது எப்படி ?
இது போன்ற தேங்காய் பர்பி செய்து கொடுத்தால் பாதுகாப்பானதாகவும் இருக்கும் அதே நேரத்தில் இதன் சுவையும் அட்டகாசமாக இருக்கும். உங்கள் வீட்டில் உள்ள அனைவரும் இதனை விரும்பி சாப்பிடுபவர்கள் அடுத்த முறையும் இதே போல் உங்களை செய்ய சொல்லி வற்புறுத்துவார்கள் அந்த அளவிற்கு இந்த தேங்காய் பர்பி சுலையாக இருக்கும். அதனால் இன்று இந்த தேங்காய் பர்பி எப்படி செய்வது, தேவையான பொருட்கள், செய்முறைகள் என அனைத்தையும் இந்த சமையல் குறித்த தொகுப்பில் நாம் காணலாம் வாருங்கள்.
தேங்காய் பர்பி | Coconut Barfi Recipe in Tamil
Equipment
- 1 கடாய்
- 1 பெரிய தட்டு
தேவையான பொருட்கள்
- 2 கப் சர்கரை
- தண்ணீர் சர்க்கரை முழ்கும் வரை
- 3 கப் துருவிய தேங்காய்
- ¼ tbsp ஏலக்காய் தூள்
- 2 tbsp நெய்
செய்முறை
- முதலில் ஒரு கடாயை அடுப்பில் வைத்து அதில் இரண்டு கப் அளவிற்கு சர்க்கரையை சேர்த்து பின் சர்க்கரை மூழ்கும் அளவிற்கு தேவையான அளவு தண்ணீர் ஊற்றி தீய அதிகமாக வைத்துக் கொள்ளுங்கள்.
- அதன் பின் சர்க்கரை முற்றிலும் கரைந்து சர்க்கரை கரைசல் கொதித்து நுறை நுறையாக வரும் வரை கிளறிக் கொண்டே இருங்கள். அதன் பின் சர்க்கரை கரைசல் கொதித்து வந்ததும் இதனுடன் நாம் துருவி வைத்திருக்கும் மூன்று கப் தேங்காய் துருவலை சேர்த்து நன்கு கிளறி விடுங்கள்.
- பின் தேங்காய் சேர்த்ததும் கடாய் அடி பிடிக்காமல் இருப்பதற்காக நீங்கள் கிளறிக் கொண்டே இருக்க வேண்டும். அதன் பின்பு தேங்காய் நன்கு வெந்து வரும் சமயத்தில் இதனுடன் கால் டீஸ்பூன் ஏலக்காய் பொடி மற்றும் இரண்டு டீஸ்பூன் அளவிற்கு நெய் சேர்த்து கிளறி விடுங்கள்.
- அதன் பின்பு பர்பி அல்வா பதத்திற்கு வரும் வரை கிளறிக் கொண்டே இருங்கள் பின் தேங்காய் பர்பி அல்வா பதத்திற்கு கடாயில் ஒட்டாமல் வந்ததும் ஒரு பெரிய தட்டில் எண்ணெய் தடவி அதனுடன் தேங்காய் பர்பியை சேர்த்து சமமாக்கிக் கொள்ளுங்கள்.
- பின் 30 நிமிடம் கழித்து பர்பி கட்டியாக மாறியதும் அதை உங்களுக்கு தேவையான அளவு துண்டுகளாக்கி உங்கள் குழந்தைகளுக்கு சாப்பிட சாப்பிட கொடுத்து, நீங்களும் உங்கள் குடும்பத்துடன் சாப்பிடலாம். அவ்வளவு தான் சுவையான தேங்காய் பர்பி இனிதை தயாராகி விட்டது.