கேக் என்றால் குழந்தைகளுக்கு மிகவும் பிடிக்கும். பைனாப்பில், சாக்லேட், ரெட் வெல்வெட், தேங்காய், கேரட் போன்ற பல்வேறு வகையான கேக் வகைகள் உள்ளன. வீட்டில் இருக்கும் குழந்தைகள் எப்போது கேக் வேண்டும் என அடம்பிடிப்பார்கள் என்றே தெரியாது. இனிமேல் குழந்தைகள் அப்படி அடம்பிடித்தால் நீங்கள் பேக்கரிக்கு செல்ல வேண்டிய அவசியமில்லை. வீட்டிட்லேயே ராகி சாக்லேட் கேக் செய்து அசத்துங்கள். பொதுவாக வீடுகளில் இருக்கும் சிறியவர்கள் முதல் பெரியவர்கள் வரை மாலை நேரத்திற்கு சுவையான டீயுடன் ஸ்நாக்ஸ் வகைகள் எடுத்து கொள்வார்கள். அந்த வகையில் இது போன்ற நேரங்களில் வீட்டிலிருக்கும் அனைவருக்கும் ஆரோக்கியம் தரும் வகையில் வீட்டிலுள்ள தானியங்களை வைத்து ஸ்நாக்ஸ் செய்யலாம்.
சிறுதானிய கேக்குகளில் ஒன்றான ராகி சாக்லேட் கேக் செய்து கொடுத்தால் குழந்தைகளின் வளர்ச்சி அதிகரிக்கும். அத்துடன் சர்க்கரை நோயாளர்கள் இதனை காலை உணவாக கூட எடுத்து கொள்ளலாம். ஊட்டச்சத்து மிகுந்த தானியங்களில் ஒன்றாக ராகி என்று அழைக்கப்படும் கேழ்வரகு பல்வேறு ஆரோக்கிய நன்மைகளை கொண்டதாக உள்ளது. இவை நீரழிவு பாதிப்பை கட்டுப்படுத்தும் ஆற்றலை கொண்டுள்ளது. சிறுதானியங்களைக் கொண்டு கிரீம் கேக்குகள் மட்டுமில்லாமல், பிரவுனி மற்றும் பிளைன் கேக்குகளையும் செய்யலாம். உடல் எடையைக் குறைக்கும் முயற்சியில் ஈடுபட்டு இருப்பவர்கள், கலோரிகள் குறைவாக உள்ள சிறுதானிய கேக்குகளை சாப்பிடலாம். இந்த கேக் குழந்தைகளுக்கும், முதியவர்களுக்கும் ஏற்றவை. இந்த கேக்கினை பிறந்தநாள், திருமணம், திருமணம் நாள், நிச்சயதார்த்தம், ஆண்டுவிழா போன்ற தினங்களுக்கும், சில வகையான பண்டிகை நாட்கள் அதாவது கிருத்துமஸ், ஆங்கில புத்தாண்டு போன்ற பண்டிகை நாட்களுக்கும் வெட்டி மகிழலாம்.
ராகி சாக்லேட் கேக் | Finger Millet Chocolate Cake Recipe In Tamil
Equipment
- 1 பவுள்
- 1 கடாய்
- 1 ஓவன்
தேவையான பொருட்கள்
- 1 கப் ராகி மாவு
- 1/2 கப் மைதா மாவு
- 1 கப் பொடித்த சர்க்கரை
- 1 டீஸ்பூன் பேக்கிங் பவுடர்
- 1/2 டீஸ்பூன் பேக்கிங் சோடா
- 1/4 கப் எண்ணெய்
- 1/2 கப் பால்
- 1 டீஸ்பூன் வெண்ணிலா எசன்ஸ்
- 1 டீஸ்பூன் வினிகர்
- 100 கி டார்க் சாக்லெட்
- 1 முட்டை
செய்முறை
- முதலில் சாக்லேட்டை பொடித்து வைத்துக் கொள்ளவும். பின் அதனை ஒரு கடாயில் சேர்த்து உருக்கி தனியாக எடுத்து வைத்துக் கொள்ளவும்.
- பின் ராகி மாவு, மைதா மாவு, பேக்கிங் பவுடர், பேக்கிங் சோடா எல்லாம் சேர்த்து சலித்து வைத்துக் கொள்ளவும்.
- ஒரு பௌலில் சர்க்கரை, எண்ணெய் சேர்த்து நன்கு பீட் செய்யவும். அத்துடன் வெண்ணிலா எசன்ஸ், எண்ணெய், முட்டை சேர்த்து நன்கு கலந்து கொள்ளவும்.
- பின்னர் தயாராக வைத்துள்ள ராகி, மைதா மாவு கலவையை பால் சேர்த்து கட்டிகள் இல்லாமல் நன்கு கலக்கவும். கடைசியாக வினிகர் மற்றும் உருக்கி வைத்துள்ள சாக்லேட் கலவை சேர்த்து நன்றாக கலந்து கொள்ளவும்.
- பின்னர் ஒரு பாத்திரத்தில் பட்டர் பேப்பர் வைத்து ராகி கேக் மாவு கலவையை ஊற்றி மைக்ரோ வேவ் ஓவனில் 190 டிகிரியில் 20 நிமிடங்கள் பேக் செய்து எடுக்கவும்.
- கேக் நன்கு ஆறியவுடன் விருப்பப்படி துண்டுகள் போட்டு பரிமாறவும். அவ்வளவுதான் மிகவும் சத்தான, மிருதுவான, சுவையான ராகி சாக்லேட் கேக் தயார்.
Nutrition
இதனையும் படியுங்கள் : சுவையான ராகி லட்டு இப்படி வீட்டிலயே செய்து பாருங்க! குழந்தைகள் விரும்பி சாப்பிடுவார்கள்!
