கருவாட்டு குழம்பு இனி இப்படி செய்து பாருங்க!

செய்முறை:

• முதலில் கருவாட்டை சுடு தண்ணீரில் ½ டீஸ்பூன் மஞ்சள் தூள் சேர்த்து சுத்தம் செய்து எடுத்துக்கொள்ளவும்.
• பிறகு புளியை ஊறவைத்துக்கொள்ளவும். பூண்டு தட்டி எடுத்துக்கொள்ளவும்.
• அடுத்து ஒரு கடாயில் எண்ணெய் ஊற்றி எண்ணெய் காய்ந்ததும் கடுகு, உளுத்தம் பருப்பு, வெந்தயம், சேர்த்து பொரிந்ததும், வெங்காயம் சேர்த்து மற்றும் கருவேப்பிலை, பூண்டு சேர்த்து நன்கு வதக்கவும்.
• வதங்கியதும், மஞ்சள் பொடி, மிளகாய் தூள், மல்லி தூள், சேர்த்து கலந்து குறைவான தீயில் வைத்து கொள்ளவும்.
• மசாலாவில் பச்சை வாசனை போனதும், தக்காளி சேர்த்து கொழைய வதக்கவும், பிறகு தேவையான அளவு உப்பு சேர்த்து வதக்கவும்.
• தொக்கு பதத்திற்கு வந்ததும், நறுக்கிய காய்கறிகள் முருகைக்காய், உருளைக்கிழங்கு, கத்திரிக்காய், சேர்த்து 3 நிமிடம் வேக விடவும். பிறகு மொச்சை சேர்த்துகொள்ளவும். அடுத்து சுத்தம் செய்த கருவாட்டை சேர்த்து, புளிக்கரைசலை ஊற்றி தேவையான அளவு தண்ணீர் சேர்த்து நன்கு கொதிக்க விடவும்.
• 5 நிமிடம் கொதித்ததும் இறக்கினால் சுவையான கருவாட்டு குழம்பு தயார்.