- Prep
- 15 min
- Cook
- 10 min
- Total
- 25 min
- Serves
- 5
- Cuisine
- Indian
- Course
- evening, Snack
பொதுவாக 65 ரெசிபி என்றால், சிக்கன் மற்றும் மட்டனில்தான் செய்து சாப்பிடுவோம், இப்போது நாம் காளானில் 65 ரெசிபி செய்வது எப்படி என்று பார்க்கலாம். உங்கள் வீட்டில் காளான் உள்ளதா? உங்கள் குழந்தைகள் மாலை வேளையில் சாப்பிட ஏதாவது கேட்கிறார்களா? அப்படியானால் ஒரு கப் காபி/டீ போட்டு கொடுத்து, அத்துடன் காளானைக் கொண்டு 65 செய்து கொடுங்கள். இந்த காளான் 65 மிகவும் சுவையாக இருப்பதோடு, செய்வதற்கு சுலபமாகவும் இருக்கும். மேலும் இதை வீட்டிற்கு விருந்தினர்கள் வந்திருக்கும் போது செய்து கொடுத்தால், அவர்களின் பாராட்டைப் பெறலாம்.
சாப்பாடு என்றாலே பிடிக்கும். விதவிதமான உணவுகளை சாப்பிட விரும்புவோம். சைவம், அசைவம் என இருவகைகளிலும் பலவித உணவுகள் உள்ளன. சிலர் சைவம் விரும்பி சாப்பிடுவர். சிலர் அசைவம் விரும்பி சாப்பிடுவர். இருந்தாலும், சிலர் ஐப்பசி மாதத்தில் அசைவம் சாப்பிடுபவர்கள் கூட இந்த ஒருமாதம் சைவம் சாப்பிடுவதை வழக்கமாக கொண்டுள்ளனர்.
காளான், பன்னீர் வகைகளில் விதவிதமாக செய்து சாப்பிடலாம். அந்தவகையில் சிக்கன் 65 போல் காளான் 65 செய்து சாப்பிடலாம். ரொம்பவே சுவையான காளான் 65 கறி சுவையையும் மிஞ்சிவிடும் அளவிற்கு இருக்கப் போகிறது. சைவப் பிரியர்கள் அதிகம் விரும்பி உண்ணும் இந்த காளான் 65 செய்வதற்கு ரொம்பவே சுலபமானது. காளான் 65 எப்படி செய்வது என்பது குறித்து இந்த பதிவில் பார்க்கலாம்.
Ingredients
Method
முதலில் காளானை நன்கு தண்ணீரில் சேர்த்து சுத்தமாக மண் இல்லாமல் கழுவி இரண்டு அல்லது நான்கு துண்டுகளாக வெட்டி வைத்துக் கொள்ளவும்.
ஒரு பவுளில் மசாலாவிற்கு கொடுத்துள்ள பொருட்கள் அனைத்தையும் சேர்த்து சிறிதளவு தண்ணீர் விட்டு நன்றாக கலந்து கொள்ளவும்.
அதன்பிறகு இதில் நாம் வெட்டி வைத்துள்ள காளானை சேர்த்து நன்கு கலந்து 10 நிமிடங்கள் ஊற விடவும்.
ஒரு வாணலியை அடுப்பில் வைத்து எண்ணெய் ஊற்றி காய்ந்ததும் காளான் துண்டுகளை ஒவ்வொன்றாக சேர்த்து மிதமான தீயில் மொறுமொறுவென்று பொரித்து எடுக்கவும்.
அவ்வளவுதான் சுவையான காளான் 65 தயார். வெங்காயம் மற்றும் எலுமிச்சை சாறு சேர்த்து சாப்பிட சுவையாக இருக்கும்.
