தஞ்சாவூர் வெங்காய சட்னி செய்வது எப்படி ?

Ingredients

• 1 tbsp எண்ணெய்
• 5 காய்ந்த மிளகாய்
• 3 0 சின்ன வெங்காயம் (தோல் உரித்தது)
• 1 கொத்து கருவேப்பிலை
• புளி (சிறிய துண்டு)
• 1 tbsp பூண்டு (பொடியாக நறுக்கியது)
• 1 tbsp இஞ்சி (பொடியாக நறுக்கியது)
• 4 tbsp தண்ணீர்
• 2 tbsp எண்ணெய்
• ½ tbsp கடுகு
• ½ tbsp உளுந்தம் பருப்பு
• கருவேப்பிலை (சிறிது)
• 2 வர மிளகாய்
• உப்பு (தேவையான அளவு)

Method

1. முதலில் கடாயை அடுப்பில் வைத்து தேவையான அளவு எண்ணெய் ஊற்றிக் கொள்ளுங்கள், எண்ணெய் நன்கு காய்ந்ததும் அதில் காய்ந்த மிளகாய் சேர்த்து நன்றாக சிவக்கும் வரை வறுத்துக் கொள்ளுங்கள்.

2. அதன்பின் இதனுடன் நான் வைத்திருக்கும் தோல் உரித்த சின்ன வெங்காயங்களை சேர்த்து நன்றாக வதக்கி கொள்ளவும். வெங்காயம் பொன்னிறமாக வரும் வரை கொள்ளுங்கள், வெங்காயம் பொன்னிறமாக வந்தவுடன் ஒரு கொத்து கருவேப்பிலை சின்ன துண்டு புளி சேர்த்து நன்றாக வதக்கி கொள்ளுங்கள்.

3. அதன் பின் பொடியாக நறுக்கிய இஞ்சி மற்றும் பொடியாக நறுக்கிய பூண்டு சேர்த்து நன்கு வதக்கிக் கொள்ளவும். அனைத்து பொருட்களையும் ஒரு நிமிடம் கடாயில் வைத்து நன்கு வதக்கிய பின் கடாயை இறக்கி வதக்கிய பொருட்களை மிக்ஸி ஜாரில் போட்டு குளிர வையுங்கள்.

4. பின் வதக்கிய பொருட்கள் குளிர்ந்த உடன் அதனுடன் சிறிது தண்ணீர் சேர்த்து மிக்ஸியில் மையாக அரைத்துக் கொள்ளுங்கள். அதன் பின் கடாயை அடுப்பில் வைத்து தேவையான அளவு எண்ணெய் ஊற்றிக் கொள்ளுங்கள்.

5. எண்ணெய் நன்கு காய்ந்ததும் கடுகு, உளுந்தம் பருப்பு, காய்ந்த மிளகாய் மற்றும் சிறிது கருவேப்பிலை சேர்த்து நன்றாக தாளித்துக் கொள்ளுங்கள். பின் நாம் மிக்ஸியில் அரைத்த சட்னியை இதனுடன் சேர்த்து கொள்ளவும்.

6. பின் தேவையான அளவு உப்பு சேர்த்து நன்றாக கிளறி விட்டு ஒரு நிமிடம் கடாயில் வைத்து நன்றாக வதக்கியதும் இறக்கி விடுங்கள் அவ்வளவுதான் சுவையான தஞ்சாவூர் வெங்காய சட்னி தயார்.