திரும்ப திரும்ப ஒரே சட்னி வைக்காமல் பீர்க்கங்காய் சட்னி இப்படி செஞ்சி பாருங்க! 2 இட்லி சேர்த்தூ சாப்பிடுவாங்க!

Ingredients

• 1 பீர்க்கங்காய் (தோல் சீவி நறுக்கியது)
• 1 சின்ன வெங்காயம்
• 1 தக்காளி
• ½ tbsp உளுத்தம் பருப்பு
• ½ tbsp கடலை பருப்பு
• 1 புளி (நெல்லிக்காய் அளவு)
• 3 காய்ந்த மிளகாய்
• 2 பூண்டு
• 2 tbsp எண்ணெய்
• 15 gm கொத்தமல்லி
• உப்பு (தேவையான அளவு)
• ¼ கடுகு
• ½ உளுத்தம் பருப்பு
• கறிவேப்பிலை (சிறிதளவு)
• 2 tbsp சிறிதுஎண்ணெய்

Method

1. பீர்க்கங்காய் சட்னி செய்ய முதலில் பீர்க்கங்காய் ,சின்ன வெங்காயம் மற்றும் தக்காளியை சிறியதாக நறுக்கி கொள்ள வேண்டும். அதன் பின் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், நறுக்கி வைத்திருக்கும் பீர்க்கங்காயை சேர்த்து, நன்கு வதக்க வேண்டும்.

2. பின்னர் அதை ஒரு தட்டில் மாற்றிக்கொள்ள வேண்டும். பின் அதே வாணலியில் உளுத்தம் பருப்பு, கடலைப் பருப்பு மற்றும் வரமிளகாய் சேர்த்து பொன்னிறமாக வறுக்க வேண்டும்.

3. பின்னர் அதில் நறுக்கி வைத்துள்ள வெங்காயம் ,பூண்டு மற்றும் தக்காளியை சேர்த்து வதக்கவும். கடைசியாக மல்லி இலை சேர்த்து இறக்க வேண்டும்.

4. பிறகு அதனை குளிர வைத்து, மிக்ஸியில் போட்டு, தேவையான அளவு உப்பு , சிறிதளவு தண்ணீர் சேர்த்து கரகர பதத்தில் அரைக்க வேண்டும்.

5. தாளிக்க சிறு வாணலியை அடுப்பில் வைத்து, அதில் எண்ணெய் ஊற்றி, கடுகு, உளுத்தம் பருப்பு மற்றும் கறிவேப்பிலை சேர்த்து தாளித்து, சட்னியில் ஊற்றவும்.